Höfðustöðvar Búseta

Staðsetning: Síðumúli 10, Reykjavík
Verkkaupi: Búseti hf.
Heildarbrúttostærð bygginga: 960 m²
Verklok: 2025

Breyting og endurgerð byggingar í Síðumúla 10 fól í sér að byggð var ný hæð ofan á núverandi húsnæði og eldri hlutar byggingarinnar endurnýjaðir. Við endurgerðina tókst að samþætta nýja  viðbyggingu við eldri bygginguna á eðlilegan og vandaðan hátt þannig að úr varð heildstæð bygging með sterka ásýnd. Sérstök áhersla var lögð á björt og aðgengileg rými, góða nýtingu húsnæðisins og hlýlegt umhverfi sem tekur vel á móti félagsmönnum og öðrum gestum.
Skrifstofur Búseta eru nú endurbættar og breyttar á 2. hæð og á nýrri 3. hæð er glæsileg aðstaða sem þjónar bæði starfsfólki og félagsmönnum. Þar er fjölnotasalur fyrir allt að 80 manns, fundarherbergi, kaffiaðstaða og salerni. Fjölnotasalurinn er ætlaður félagsmönnum Búseta til funda, fræðslu, menningarstarfs og fjölbreyttra samfélagsviðburða. Með honum hefur orðið til mikilvægt samkomurými sem stuðlar að aukinni þátttöku, samveru og samfélagslegri virkni. Húsið gegnir því ekki aðeins hlutverki skrifstofuhúsnæðis heldur hefur þróast í lifandi vettvang fyrir samfélag félagsmanna.
Verkefnið er jafnframt mikilvægt framlag til sjálfbærrar þróunar borgarinnar. Í stað þess að rífa og byggja nýtt var valin sú leið að endurnýja og umbreyta núverandi mannvirki og gefa því nýtt líf. Með því hefur tekist að varðveita verðmæti, bæta nýtingu byggðar og sýna fram á möguleika endurgerðar sem mikilvægs þáttar í þróun borgarinnar